विश्वका ११० देशमा पुनः कोरोनाको सङ्क्रमण वृद्धिः विश्व स्वास्थ्य सङ्गठन

समाचार

गृहपृष्ठ
समाचार
विश्वका ११० देशमा पुनः कोरोनाको सङ्क्रमण वृद्धिः विश्व स्वास्थ्य सङ्गठन

विश्वका ११० देशमा पुनः कोरोनाको सङ्क्रमण वृद्धिः विश्व स्वास्थ्य सङ्गठन

शुक्रबार, असार १७, २०७९ खुला बहस संवाददाता

gettyimages-1205434458_custom-c47a8defd1fa1c6c825b88646de9f1873aff8d0a-1536x1004.jpg

विश्वव्यापी महामारीको रूपमा रहेको कोरोना भाइरसको सङ्क्रमण थप देशहरूमा पनि पुष्टि भएका छन् । विश्व स्वास्थ्य सङ्गठन (डब्लुएचओ) ले अहिलेसम्म विश्वका ११० देशमा कोरोना भाइरसको सङ्क्रमण पुष्टि भएको जनाएको छ ।

कोरोना भाइरसले स्वरूप परिवर्तन गर्दै गएपनि महामारी भने अझै अन्य नभएको र धेरै देशमा अहिले पनि सङ्क्रमण देखिइरहेको डब्लुएचओका अधिकारीहरूले जनाएका छन् ।

“महामारीको स्वरूप परिवर्तन भइरहेको छ, तर महामारी अन्त्य भएको छैन, नयाँ नयाँ स्वरूपमा आउने गरेकाले पूर्ण नियन्त्रण गर्न गाह्रो भएको छ,” डब्लुएचओका महानिर्देशक टेड्रोस अधानोम घेब्रेयससले भन्नुभयो ।

विश्वभरीको तथ्याङ्क हेर्दा अहिले औसतमा २० प्रतिशत सङ्क्रमण बृद्धि भएको पनि उहाँले जानकारी दिनुभयो । डब्लुएचओले सबै देशलाई कोरोना भाइरस विरुद्धको खोप लगाउन आग्रह गर्दै आएको र धेरै देशमा कम्तीमा ७० प्रतिशत जनताले खोप लगाएको पाइएको छ ।

पछिल्लो १८ महिनामा विश्वभरी १२ अर्ब खोप वितरण गरिएको पनि उहाँले पत्रकार सम्मेलनमा जानकारी दिनुभयो । “विश्वका ५८ देशले मात्रै ७० प्रतिशतभन्दा बढीलाई कोरोना भाइरसविरूद्धको खोप लगाइसकेका छन् । अन्य कतिपय देशले आर्थिक समस्याका कारण खोपको सङ्ख्या त्यो तहसम्म पुर्‍याउन सकेका छैनन्,” उहाँले भन्नुभयो ।

न्युन आय भएका देशहरूलाई डब्लुएचओ लगायतका कतिपय सहयोगी संस्था तथा निकायको सहयोगमा केही खोप उपलब्ध गराइएको पनि उहाँले बताउनुभयो ।-

प्रकाशित मिति: शुक्रबार, असार १७, २०७९ १०:०४

प्रतिक्रिया दिनुहोस्