काठमाडौं- नेपाली कांग्रेसको १४ औँ महाधिवेशनअन्तर्गत महामन्त्री पदको निर्वाचनमा गगनकुमार थापा र विश्वप्रकाश शर्माले एकोहोरो अग्रता लिनुभएको छ ।

सानेपास्थित कांग्रेस मुख्यालयमा भएको मतगणनामा सुरुवातीदेखि नै थापा र शर्माको अग्रता कायमै छ ।

महामन्त्रीमा शेरबहादुर देउवा समूहबाट डा. प्रकाश शरण महत र प्रदीप पौडेल तथा डा. शेखर कोइराला समूहबाट गगन थापा र डा. मिनेन्द्र रिजाल प्रतिस्पर्धामा हुनुहुन्थ्यो । प्रकाशमान सिंह समूहबाट विश्वप्रकाश शर्मा र विमलेन्द्र निधि समूहबाट डा. राजाराम कार्की पनि महामन्त्रीमा प्रतिस्पर्धी हुनुहुन्थ्यो ।

सोमबार भृकुटीमण्डपमा भएको मतदानमा कुल ४ हजार ६ सय ७९ मत खसेको थियो ।

गणना भएको मत संख्या : २५००

क्र.सं. उम्मेदवारको नाम मत  परिणाम
१ गगनकुमार थापा १६४८ –
२ विश्वप्रकाश शर्मा १०१९ –
३ डा. प्रकाश शरण महत ८२७ –
४ प्रदीप पौडेल ७४६ –
५ डा. मिनेन्द्र रिजाल ४३६ –
६ डा. राजाराम कार्की ६४ –